यी निर्दयी आमाः जसले छोरीको मुख र नाक थुनेर हत्या गरिन्

• आइतबार, २० साउन, २०७५
• 2 years ago
• अन्तर्राष्ट्रिय

काठमाडौं । आमा महान हुन्छिन् । तर, कहिलेकाँही कुनै कुनै आमाहरुमा राक्षसी प्रवृत्ति सवार हुन्छ । यस्तै भएको छ दिल्लीको मोतीनगरमा । छोरोको चाहना राखेर गर्भवती भएकी एक महिलाले छोरी जन्मिएपछि आफै‌ले मुख र नाक थुनेर हत्या गरेकी छन् । 

 

जन्मिएको डेढ घन्टापछि अस्पतालमै नाक र मुख थिचेर हत्या गरेको दर्दनाक घटनाले मानवतालाई नै झस्काएको छ ।

 

पोस्टमार्टम रिपोर्टबाट यस्तो तथ्य खुलेपछि प्रहरीले महिलाविरुद्ध हत्याको आरोप दर्ज गर्दै गिरफ्तार गरेको छ । प्राप्त जानकारी अनुसार ती महिलाको यसअघि नै दुई छोरी र एक छोरा रहेका छन् । उनी अब थप छोरी चाहन्नथिन् ।

 

प्रहरीका अनुसार आरोपित महिला ३२ वर्षीया रितादेवी हुन् । नारायणा बस्ने उनी प्रसव पीडा सुरु भएपछि २८ जुलाईमा बसईदारापुरस्थित ईएसआई अस्पतालमा भर्ना भएकी थिइन् । २९ जुलाई राति उनले छोरी जन्माएकी थिइन् ।

 

करिब डेढ घन्टा पछि नर्सलाई भेटेर बच्चा नचलेको भन्दै ती महिला पुगेकी थिइन् । नर्सले बच्चाको नाक रातो देखे । उनीहरुले तत्काल बच्चालाई विशिष्ट कक्षमा लगेर श्वास दिने प्रयास गरे, तर सफल भएनन् ।

 

बच्चीको नाकको रंग रातो देखेपछि डाक्टरहरुलाई शंका लाग्यो र उनीहरुले घटनाबारे प्रहरीलाई जानकारी दिए । प्रहरीले पोस्टमार्टम गरे । पोस्टमार्टम रिपोर्टबाट बच्चाको मृत्यू श्वास रोकिएर भएको पुष्टि भयो ।

 

प्रहरीले आशंकाको भरमा महिलालाई हिरासतमा लिएर अनुसन्धान सुरु गरे । महिलाले आफ्नो अपराध स्वीकार गरिन् । उनले बच्चाको हत्यापछि कसैलाई शंका नहोस् भनेर आफैं नर्ससम्म पुगेर उजुरी गरेकी थिइन् । प्रहरीले पक्राउपछि महिलामाथि थप अनुसन्धान गरिरहेको छ ।

• राक्षसी प्रवृत्ति
• मुख र नाक

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।