हराएको मनाङ एअरको हेलिकप्टर खोज्न अल्टिच्युड एअरको हेलिकप्टर परिचालन

काठमाडौँ। मनाङ एअरको हराएको हेलिकप्टर खोज्न अल्टिच्युड एअर हेलिकप्टर परिचालन गरिएको छ। बिहान १० बजेर १ मिनेट जाँदा सम्पर्कविहीन भएको मनाङ एअरको हेलिकप्टर खोज्न अल्टिच्युडको हेलिकप्टर परिचालन गरिएको हो।

सोलुखुम्बुको सुर्केबाट काठमाण्डौका लागि उडेको मनाङ एअरको ९ एनए–एमभी कलसाइन भएको हेलिकप्टर सम्पर्कविहीन भएको हो। हेलिकप्टर अहिलेसम्म सम्पर्कमा आएको छैन।

हेलिकप्टरमा चालकसहित ६ जना रहेका छन् हेलिकप्टरमा पाँच जना मेक्सिकन नागरिक रहेका छन्।

सोलुखुम्बुको खुम्बु पासाङल्हामु गाउँपालिका– २ सुर्के हेलिप्याडबाट हेलिकप्टर बिहान १० बजेर ५ मिनेटमा उडेको थियो।