सडक व्यापारीहरूसँग अभद्र र अमानवीय व्यवहार गर्ने ७ नगर प्रहरी हटाईए

काठमाडौँ । काठमाडौँ महानगरपालिकाले सडक व्यापारीहरूसँग अभद्र र अमानवीय व्यवहार गर्ने आफ्ना नगर प्रहरीहरूलाई कारबाही गरेको छ ।

महमनगरले ७ जना करारका नगर प्रहरीलाई जागिरबाट हटाएको हो । साथै, स्थायी सेवामा रहेका ५ जनालाई निलम्बन गरिएको छ ।

जनस्तरका आएका गुनासाहरूको अध्ययन गरेर गल्ती गर्ने नगर प्रहरीलाई कारबाही गर्ने गरेको महानगरले जनाएको छ ।

यस्तै, महानगरले यस प्रकारका घटना दोहोरिन नदिन क्षेत्रमा खटिएका प्रहरीहरूलाई केन्द्रीय कार्यालयमा बोलाएर आचरण सम्बन्धी तालिम दिन थालेको छ ।