Techie IT
२०८१ चैत्र ३, आईतबार
NepaliPatra logo
गृहपृष्ठनेपालवाग्नर प्रमुख अझै रूसमै रहेको बेलारूसी राष्ट्रपति लुकासेन्कोको भनाइ

वाग्नर प्रमुख अझै रूसमै रहेको बेलारूसी राष्ट्रपति लुकासेन्कोको भनाइ


एजेन्सी । वाग्नरका प्रमुख येवगेनी प्रिगोजिन अहिले पनि रूसमै रहेको र बेलारूसमा कुनै पनि लडाकू समूहले आफ्नो विद्रोह अन्त्यका लागि सम्झौता नगरिएको बेलारूसी शीर्षस्थ अधिकारीले बताएका छन् ।

बेलारूसका राष्ट्रपति अलेक्जेन्डर लुकाशेन्कोले भने, “जहाँसम्म प्रिगोजिनको कुरा छ, उहाँ सेन्ट पिटर्सबर्गमा हुनुहुन्छ । उहाँ बेलारूसमा हुनुहुन्न ।” मिन्स्कस्थित प्रेसिडेन्ट बिल्डिङ अफ इन्डिपेन्डेन्समा साढे तीन घण्टालामो गोलमेच वार्तामा उनले एएफपीलगायत अन्तर्राष्ट्रिय र बेलारूसका पत्रकारसँग कुराकानी गरेका थिए ।

लुकाशेन्कोले प्रिगोजिन स्वतन्त्र व्यक्ति हुन् भन्ने कुरा आफूलाई ‘निश्चित रूपमा’ थाहा भएको बताउँदै भने, “मैले हिजो उहाँसँग फोनमा कुरा गरेको थिएँ ।” क्रेमलिनले असफल विद्रोहमा भाग लिएकाहरूलाई बेलारूस जान प्रस्ताव गरे पनि वाग्नरका सदस्यहरूले बेलारूसमा शिविर स्थापना नगरेको पनि उनले बताए ।

लुकाशेन्कोले भने,“अहिले उनीहरूको स्थानान्तरण र व्यवस्थापनको प्रक्रिया तय भएको छैन ।” उनले भने, “यो निर्णय उहाँको होइन, मस्कोको हो ।”

प्रिगोजिनले जुन २३ मा रूसको सैन्य नेतृत्वविरुद्ध विद्रोह सुरु गरेको घोषणा गरे विद्रोहको घोषणासँगै राष्ट्रपति भ्लादिमिर पुटिनको नेतृत्वलाई सबैभन्दा ठूलो चुनौती दिँदै मस्कोतर्फ सशस्त्र टुकडी पठाएका थिए तर तत्कालै एक दुई दिनभित्र नै फिर्ता गरे ।

करिब २४ घण्टापछि क्रेमलिनले लुकाशेन्कोको मध्यस्थताका कारण सङ्कट समाधान भएको र प्रिगोजिन बेलारूस प्रस्थान गर्ने बताएको थियो ।

त्यसयता रूसी अधिकारीहरूले प्रिगोजिनको व्यवसाय बन्द वा छापा मारेका छन् । रूसी सञ्चारमाध्यमले बुधबार प्रसारण गरेको तस्बिरमा प्रहरी प्रिगोजिनको विशाल र विलासी भवनमा जुन २५ मा हेलिकप्टर पार्किङ गरी राखिएको अवस्थामा प्रवेश गरेको देखिएको छ ।

तस्बिरमा प्रहरीले रुबल र डलर, सुनका सिक्का, हतियार, विगले भरिएको कोठरी र प्रिगोजिनको नाममा थुप्रै राहदानी र विभिन्न व्यक्तिको फोटो फेला पारेको देखिएको छ ।

लुकाशेन्कोले आफ्नो देशमा वाग्नर सेनालाई शरण दिनेबारे आफू ‘चिन्तित वा दुःखी’ भने नभएको बताएका छन् । उनले भने, “यदि वाग्नर सैनिकहरू बेलारूस जाने हो भने उनीहरूले बेलारूसी सरकारसँग सम्झौतामा हस्ताक्षर गर्नुपर्नेछ ।”

उनले भने, “मलाई वाग्नरले बेलारुसको राज्यविरुद्ध आफ्नो बन्दुक उचाल्नुहुनेछ भन्ने मलाई लाग्दैन ।” उनले अगाडि भने, “यदि हामीलाई यी एकाइहरू सक्रिय गर्न आवश्यक छ भने, हामी तिनीहरूलाई तुरुन्तै सक्रिय गर्नेछौं र उनीहरूको अनुभवको धेरै प्रशंसा गरिनेछ ।” लुकाशेन्कोले प्रिगोजिन र पुटिनबीचको सम्बन्धका बारेमा पनि बोलेका थिए ।

“मलाई पुटिन र प्रिगोजिनबीचको सम्बन्धका बारेमा सबै कुरा थाहा छैन र म सबै कुरा जान्न चाहन्नँ,” उनले भने । “पुटिनले प्रिगोजिनलाई मभन्दा धेरै राम्ररी चिन्नुहुन्छ,” उनले भने । उनले प्रसँगलाई थप व्याख्य गर्दै भने, “के तपाईंलाई पुटिन यति प्रतिशोधी हुनुहुन्छ भन्ने लाग्छ ? के उनले भोलि पुटिन वा आफुलाई टक्कर दिनेछन् ? अहँ, त्यस्तो हुनेवाला छैन ।”

द्वन्द्वमा पुटिनका निकटतम सहयोगी लुकाशेन्कोले आफ्नो देशलाई युक्रेन आक्रमणको मञ्चको रूपमा प्रयोग गर्न दिएको युक्रेन लगायतका पश्चिमी सहयोगीहरूले लगाएका छन् ।

तर लुकाशेन्कोले बेलारूसको सेना युक्रेन द्वन्द्वमा संलग्न नहुनेमा जोड दिए । उनले भने, “यो केही पनि होइन र हुन्न । मलाई त्यसो गर्न बाध्य पारिन सक्छ ? यसको कुनै आवश्यकता छैन।” रूसले बेलारूसलाई हस्तान्तरण गरेको सामरिक आणविक हतियारको ‘रक्षात्मक उद्देश्य’ मात्र रहेको बताए ।

उनले द्वन्द्वमा बेलारूसी संलग्नताबारे भने, “हामी कसैलाई पनि आणविक हतियारले आक्रमण गर्ने योजना बनाइरहेका छैनौं । ’तर बेलारुसमाथि आक्रमण भए तत्काल जवाफ दिइनेछ ।” बेलारूसका नेताले यस वर्षको अन्त्यसम्ममा रणनीतिक हतियारहरू आफ्नो देशमा पूर्ण रूपमा तैनाथ गरिने बताएका छन् ।




ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।



तपाईको प्रतिक्रिया दिनुहोस


थप समाचार

नागार्जुनमा घरमा आगलागी हुँदा १५ लाख रुपैयाँ बराबरको क्षति

काठमाडौँ । काठमाडौँको नागार्जुन नगरपालिका–७ गौतम गाउँमा एउटा घरमा आगलागी हुँदा १५ लाख रुपैयाँ बराबरको क्षति भएको छ । स्थानीय

साहित्यकार लीलबहादुर क्षेत्रीको निधन

काठमाडौं । साहित्यकार लीलबहादुर क्षेत्रीको ९२ वर्षको उमेरमा निधन भएको छ । भारतको आसामका स्थायी बासिन्दा उनको बिहीबार राति गुवाहाटीमा

नमोबुद्धमा ‘श्रमको सम्मान–राष्ट्रको अभियान’ सञ्चालन

काभ्रे । प्रधानमन्त्री रोजगार कार्यक्रम अन्तर्गत काभ्रेपलाञ्चोकको नमोबुद्ध नगरपालिकामा ‘श्रमको सम्मान–राष्ट्रको अभियान’ सञ्चालन गरिएको छ । नगरले कार्यक्रमअन्तर्गत योजना सञ्चालनपूर्व

हत्या गरेको आरोपमा एक नाबालकसहित पाँच जना पक्राउ

काठमाडौँ । काठमाडौँको गोकर्णेश्वरस्थित एक महिलाको हत्यामा सङ्लग्न भएको आरोपमा प्रहरीले एक नाबालकसहित पाँच जनालाई पक्राउ गरेको छ । जिल्ला

निजी विद्यालयहरूले शिक्षा क्षेत्रको विकासमा महत्वपूर्ण योगदान पुर्‍याएका छन्: मन्त्री…

काठमाडौं । उद्योग, वाणिज्य तथा आपूर्तिमन्त्री दामोदर भण्डारीले निजी विद्यालयहरूले नेपालको शिक्षा क्षेत्रको विकासमा महत्वपूर्ण योगदान दिएका बताएका छन् ।

सर्वनाममा २ दर्जनबढी अन्तराष्ट्रिय नाटकहरु प्रदर्शन

काठमाडाैँ । काठमाडौँको कालिकास्थानस्थित सर्वनाम थिएटरमा विभिन्न देशका २ दर्जनबढी नाटकहरु प्रदर्शन भईरहेका छन् । इन्टरनेशनल पिपुल्स थिएटर फेस्टिभल सोसाइटी

Techie IT