काठमाडौँ। काठमाडौँको तारकेश्वर र गोकर्णेश्वरमा जुवातास खेलिरहेको अवस्थामा १३ जना समातिएका छन्।
तारकेश्वर नगरपालिका–१०, मनमैजु घलेपुल बस्ने चितवन भरतपुर महानगरपालिका–१३ घर भएकी ५० वर्षीया घममाया तामाङको कोठामा जुवातास खेलिरहेको अवस्थामा ६ जनालाई शनिबार दिउँसो पक्राउ गरेको हो।
विशेष सूचनाको आधारमा प्रहरी वृत्त बालाजुबाट खटिएको प्रहरीले उनीहरूलाई नगद २७ हजार ७२० रूपैयाँ र तीन बुक ताससहित फेला पारी पक्राउ गरेको हो।
यसैगरी गोकर्णेश्वर नगरपालिका–८, अत्तरखेल बस्ने सिन्धुपाल्चोकको बाह्रबिसे घर भएकी ३८ वर्षीया छायाँदेवी गुरुङको होटेलमा जुवातास खेलिरहेको अवस्थामा रामेछाप सातजनालाई पक्राउ गरिएको छ।
दोरम्भा घर भई गोकर्णेश्वर नगरपालिका–५, नारायणटार बस्ने ४८ वर्षीय हिराबहादुर तामाङसहितलाई शनिबार दिउँसो प्रहरीले पक्राउ गरेको हो।
विशेष सूचनाको आधारमा प्रहरी वृत्त बौद्धबाट खटिएको प्रहरीले उनीहरूलाई नगद २० हजार ७९० रूपैयाँ, एक हजार ६०० भारतीय रूपैयाँ र एक बुक ताससहित फेला पारी पक्राउ गरेको हो।
