वान एक्स बेट प्रकरणः कलाकार ‘बल्छी ध्रुबे’ सहित ८ जना पक्राउ

काठमाडाैँ । वान एक्स बेटमा विज्ञापन र सट्टेबाजी गरेको आरोपमा प्रहरीले ८ जनालाई पक्राउ गरेको छ ।

प्रहरीले दिएको जानकारी अनुसार पक्राउ पर्नेमा हास्य कलाकार मरिचमान श्रेष्ठ ‘बल्छी ध्रुबे’ सहित ८ जना रहेका छन् ।

प्रहरीले तत्कालका लागि उनीहरूको नाम गोप्य राखेको छ। प्रहरीले उनीहरूलाई म्याद थप गरी सार्वजनिक गर्ने तयारी गरिरहेको छ।

पक्राउ परेका कलाकारहरूले युट्युबमार्फत् वानएक्स बेटको विज्ञापन गरेको आरोप छ। युट्युबमा प्रोमो कोड प्रयोग गरी वानएक्स बेटिङमा छुट प्राप्त गर्न सकिने भन्दै विज्ञापन गरेको देखिन्छ।