स्वयम्भू र बाैद्धनाथकाे दर्शन गरि भुटानी राजा वाङचुक स्वदेश फिर्ता

काठमाडाैँ  । भुटानी राजा जिग्मे खेसर नाम्गेल वाङचुकले विश्व सम्पदा सूचीमा सूचीकृत स्वयम्भूनाथको पूजा अर्चनासहित दर्शन गरेका छन् ।

यसअघि स्वयम्भू व्यवस्थापन तथा संरक्षण महासमितिका पदाधिकारीले स्वयम्भूनाथ परिसरमा भुटानी राजालाई स्वागत गरेका थिए । झन्डै आधा घण्टा त्यहाँ रहनुभएका भुटानी राजाले स्वयम्भूनाथ परिसरबाट काठमाडाैँ उपत्यकाको दृश्यावलोकन गरे ।

यस्तै भुटानी राजा वाङचुकले बाैद्धनाथकाे पनि दर्शन गरेका छन् । भारतबाट स्वदेश फर्कने क्रममा आज बिहान काठमाडाैँ आएका भुटानी राजा आजै स्वदेश फर्किएका छन् ।