पूर्व सभामुख दमनाथ ढुङ्गानाको निधन

काठमाडौ। पूर्व सभामुख दमनाथ ढुङ्गानाको निधन भएको छ।

स्वास्थ्यमा समस्या आएपछि फ्रन्ट लाइन अस्पतालमा भर्ना गरिएको ढुङ्गानाको आज दिउँसो निधन भएको हो।

वरिष्ठ अधिवक्तासमेत रहेका ढुङ्गाना २०४८ सालदेखि २०५१ सम्म सभामुख थिए। आम निर्वाचन २०४८ मा काठमाडौँ जिल्लाबाट नेपाली कांग्रेसका तर्फबाट प्रतिनिधिसभामा निर्वाचित भएर ढुंगाना प्रतिनिधिसभाको सभामुख बनेका थिए।