काठमाडौँ । कतार एयरवेजले आज बाट भैरहवा स्थित गौतमबुद्ध अन्तरराष्ट्रिय विमानस्थल बाट उडान थाल्ने भएको छ ।
नेपाल नागरिक उड्डयन प्राधिकरण क्यानका अनुसार कतार एयरवेजले आज देखि भैरहवामा दैनिक उडान भर्न लागेको हो । कतारले दैनिक दुई उडान काठमाडौं र एउटा भैरहवा बाट गर्नेछ । कतार एयरवेजको भैरहवाका ३० नोभेम्बर सम्म दैनिक एक उडानको तालिका निर्धारण गरिएको छ ।
ठूला एयरलाइन्स कतार सँगै फ्लाई दुबई, थाई एयर एशिया, जजीरा लगायत अन्तरराष्ट्रिय एयरलाइन्सको भैरहवा बाट उडान गरिरहेका छन् । यो सहित मुलुकको दोस्रो अन्तरराष्ट्रिय विमानस्थल, गौतमबुद्ध अन्तरराष्ट्रिय विमानस्थलमा अन्तरराष्ट्रिय उडान सञ्चालन गर्ने हवाई कम्पनीको सङ्ख्या ५ पुगेको छ ।
त्रिभुवन विमानस्थल मर्मत शुरु हुनु अघि कतारले काठमाडौंमा दैनिक ४ उडान भर्दै आएको थियो । निर्माण सम्पन्न भएको लामो समयपछि यो विमानस्थलमा धमाधम अन्तरराष्ट्रिय उडान भइरहेको छ । विमानस्थलमा यसअघि नेपाल वायुसेवा निगम जजीरा एयर र फ्लाई दुबईले अन्तरराष्ट्रिय उडान सञ्चालन गरिरहेका छन ।
गौतमबुद्ध विमानस्थल बाट पहिलो पटक यही कात्तिक १४ गते एकै दिन तीनवटा अन्तरराष्ट्रिय उडान सञ्चालन भएको थियो ।
