संवैधानिक परिषद्को बैठक आज साँझ बस्ने

काठमाडौँ । संवैधानिक परिषद्को बैठक आज बस्दैछ । संवैधानिक परिषद्को बैठक साँझ पाँच बजे प्रधानमन्त्रीको सरकारी निवास बालुवाटारको नयाँ सचिवालयमा बस्ने तय भएको हो ।

आजको बैठकमा प्रधानन्यायाधीश नियुक्तिको सिफारिस गर्ने कार्यसूची रहेको छ ।

शुक्रबार पनि संवैधानिक परिषद्को बैठक बसेको थियो। प्रधानन्यायाधीश सिफारिसबारे छलफल भए पनि बैठकमा निष्कर्षमा पुग्न सकेको थिएन ।