गेस्टहाउसमा महिलाको बलात्कार गरेको आरोपमा एक युवक पक्राउ

काठमाडौँ । काठमाडौँमा बलात्कारमा आरोपमा प्रहरीले एक युवकलाई पक्राउ गरेको छ । पक्राउ पर्नेमा तनहुँको व्यास नगरपालिका–९ घर भई कास्कीको पोखरामा बस्दै आएका २४ वर्षीय सुदीप पौडेल छन् ।

२३ वर्षीया महिलाको बलात्कार गरेको उनीमाथि आरोप छ । बुधबार (हिजो) राति उनलाई पक्राउ गरिएको प्रहरी प्रधान कार्यालयले जानकारी गराएको छ ।

काठमाडौं महानगरपालिका–२६, लैनचौरस्थित प्यासिफिक गेस्टहाउस तथा अपार्टमेन्टको कोठामा ती महिलाको बलात्कार गरेको भन्ने उजुरीपछि उनलाई पक्राउ गरिएको प्रहरीले जनाएको छ ।