काँग्रेसलाई रास्वपाको प्रश्नः नेपालीलाई विदेशी शरणार्थी बनाएर पठाउँदा देशको शिर झुकेन?

नेपालीपत्र बुधबार, २०८१ भदौ २६ गते, १४:१३ मा प्रकाशित नेपाल

काठमाडौँ । राष्ट्रिय स्वतन्त्र पार्टीले उपसभामुख इन्दिरा राना प्रकरणमा नेपाली काँग्रेसलाई जवाफ फर्काएको छ ।

नेपाली काँग्रेसको आज बसेको पदाधिकारी बैठकले उपसभामुखले देशको शिर झुकाएको निष्कर्ष निकालेको थियो । त्यसको जवाफ दिँदै रास्वपा सांसद मनिष झाले काँग्रेसलाई नेपाली नागरिकलाई नै विदेशी शरणार्थी बनाएर पठाउँदा देशको शिर झुकेन भनेर प्रश्न गरे ।

‘उपसभामुखले १९ महिनाअघि लेखेको एउटा पत्रमा उहाँले गल्ती भयो भनेर विज्ञप्ति निकालिसक्नुभएको छ । अहिले त्यसलाई राजनीतिक रूपमा चर्चा गरिँदै छ । बार्गेनिङका लागि त्यो लेटर प्रयोग गरिँदै छ,’ सांसद झाले भने, ‘काँग्रेसको अभिव्यक्ति आयो नेपालको शिर झुकाउने काम भयो भनेर । नेपालको शिर त्यो बेला किन झुकेन नेपाली नागरिकलाई नै विदेशी शरणार्थी बनाएर पठाइयो ।’

#इन्दिरा राना #राष्ट्रिय स्वतन्त्र पार्टी

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।