परराष्ट्रमन्त्री राणा आइतबार भारत भ्रमणमा जाँदै

काठमाडौँ । परराष्ट्रमन्त्री आरजु राणा देउवा आगामी आइतबार भारत भ्रमणमा जाने भएकी छन् ।

बिहीबार बसेको मन्त्रिपरिषद् बैठकले परराष्ट्रमन्त्रीको नेतृत्वको प्रतिनिधिमण्डललाई भदौ २ देखि ६ गतेसम्म भारत भ्रमणको स्वीकृति प्रदान गरेको सरकारका प्रवक्ता पृथ्वीसुब्बा गुरुङले जानकारी दिए ।

भारतका विदेश सचिव विक्रम मिश्रीले यही साउन २७ र २८ गते नेपालको भ्रमणका क्रममा परराष्ट्रमन्त्री राणालाई भारतीय विदेशमन्त्री एस जयशंकरले पठाएको भारत भ्रमणको निम्तो हस्तान्तरण गरेका थिए ।