भक्तपुरकाे गडेधारा टाेलका झन्डै ३० वटा घर डुबानमा

काठमाडौँ । भक्तपुरको सूर्यविनायक नगरपालिका–५ दधिकोट गडेधारा टोलका झन्डै ३० वटा घर डुबानमा परेका छन् ।

गएराति ढुङ्ग्रेखोलामा आएको बाढी बस्तीमा पसेपछि स्थानीयवासीको ३० लाख रुपैयाँभन्दा धेरैको क्षति भएको छ । मध्यरातिदेखि बस्तीमा पसेको पानी धेरैजसो घरको भुइँतलाभित्र चार फिटसम्म पुगेपछि धेरैको बिचल्ली भएको थियो । टोलमा रहेको नौ वटा गाडी र २० वटाभन्दा बढी मोटरसाइलसमेत पूरै डुबेर क्षति पुगेको छ ।

यस्तै गएराति नै गोदावरी खोलामा आएको बाढीले ललितपुरको टीकाथली र भक्तपुरको बालकोटका केही घर तथा पसल डुबेका छन् । गोदावरी खोलाको बाढीले पटक पटक छेउछाउका बस्ती डुब्ने गरेका छन् ।