सुनचाँदीको भाउ घट्यो

काठमाडौँ । आज नेपाली बजारमा सुनचाँदीको भाउ घटेको छ । आइतबार तोलामा १ हजार ६०० रुपैयाँले बढेको सुनको भाउ आज ६०० रुपैयाँले घटेको हो ।

आज सुन तोलाको १ लाख ४२ हजार २०० रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । हिजो सुनको भाउ तोलाको १ लाख ४२ हजार ८०० रुपैयाँ रहेको थियो ।

यस्तै आज चाँदी २० रुपैयाँले घटेर तोलाको १ हजार ८०० रुपैयाँमा कारोबार भइरहेको महासङ्घले जनाएको छ ।