मोदीको प्रधानमन्त्री पदको शपथमा सहभागी हुन प्रधानमन्त्री प्रचण्डलाई निम्तो

काठमाडौँ । तेस्रो पटक भारतको प्रधानमन्त्री बन्न लागेका नरेन्द्र मोदीको शपथ ग्रहण कार्यक्रममा प्रधानमन्त्री पुष्पकमल दाहाल ‘प्रचण्ड’ लाई निमन्त्रणा आएको छ । शनिबार हुने शपथ ग्रहण कार्यक्रममा सहभागिताका लागि प्रधानमन्त्री दाहाललाई निमन्त्रणा आएको हो ।

प्रधानमन्त्री प्रचण्ड पनि भारतीय जनता पार्टी (भाजपा)का मोदीको प्रधानमन्त्री पदको शपथ ग्रहण समारोहमा सहभागी हुन नयाँ दिल्ली जाने तयारीमा लागेको बुझिएको छ ।

सन् २०१४ देखि मोदी लगातार दुई कार्यकाल भारतको प्रधानमन्त्री बनेका थिए । केही दिनअघि सम्पन्न लोकसभा निर्वाचनको मतपरिणामअनुसार मोदी पुनः तेस्रो कार्यकालका लागि प्रधानमन्त्री नियुक्त हुने निश्चित भएको हो ।

लोकसभा निर्वाचन परिणाम आएपछि मोदीले बुधबार राजीनामा दिँदै मन्त्रिपरिषद भंग गरेका थिए ।