प्रतिनिधिसभा बैठक अपरान्ह ४ बजेसम्मका लागि सर्‍यो

काठमाडौँ । प्रतिनिधि सभाको बैठक बिहीबार अपराह्न चार बजेका लागि सारिएको छ । बिहान ११ बजेका लागि बोलाइएको बैठक ४ बजेसम्मका लागि सारिएको हो ।

प्रमुख प्रतिपक्षी नेपाली कांग्रेससँग सहमतिको प्रयास भइरहेकाले प्रतिनिधि सभाको बैठक अपराह्न चार बजेका लागि सारिएको संसद सचिवालयले जानकारी गराएको छ ।

प्रधानमन्त्री प्रचण्डले कांग्रेससँग संसद् खुलाउनेगरी प्रयास गरिरहेका छन् । प्रमुख प्रतिपक्षी दल कांग्रेसले सहकारी प्रकरणमा गृहमन्त्री रवि लामिछानेसमेतको नाममा छानबिन समिति बनाउनपर्ने माग राख्दै आएको छ ।

कांग्रेसले सरकारको नीति तथा कार्यक्रम राष्ट्रपतिलाई प्रस्तुत गर्न दिएपनि त्यसपछिको बैठक अवरोध गरेको थियो ।