सांसद हसिना खानद्वारा शपथ ग्रहण

काठमाडौँ । जनता समाजवादी पार्टी (जसपा)बाट समानुपातिक सांसद बनेकी हसिना खानले प्रतिनिधि सभा सदस्यको पद तथा गोपनीयताको शपथ लिएकी छन् ।

सभामुख देवराज घिमिरेले आज खानलाई प्रतिनिधि सभा सदस्यको शपथ गराएका हुन् । सांसद मञ्जु शर्मा अन्सारीको गएको चैत ४ गते निधन भएपछि जसपाले रिक्त पदमा खानको नाम सिफारिस गरेको थियो ।

यसअघि जसपाबाट समानुपातिक सांसद बनेकी शहनाज रहमानको २०७९ सालको फागुन १३ गते निधन भएपछि रिक्त रहेको पदमा मञ्जु शर्मा सांसद मनोनीत भएका थिए ।