प्रतिनिधि सभा बैठक फागुन २४ गतेसम्मको लागि स्थगित

काठमाडौँ । प्रतिनिधि सभाको बैठक स्थगित भएको छ । विशेष राजनीतिक परिस्थितिका कारण आज बस्ने भनिएको बैठक स्थगित भएको हो ।

सभामुख देवराज घिमिरेले राजनीतिक दलका नेताहरुलाई फोन गरेर बैठक स्थगित गर्नेबारे परामर्श गरेका थिए । संसद सचिवालयले विशेष परिस्थितिका कारण प्रतिनिधि सभाको आजको बैठक फागुन २४ गते बिहीबार बिहान ११ बजेका लागि सूचना टाँसेर स्थगित गरिएको जनाएको छ ।

आजको बैठकमा टीआरसी विधेयक पेश गर्ने कार्यतालिका थियो ।