एम्बुलेन्सको ठक्करबाट सिनामंगलमा एक जनाको मृत्यु

काठमाडौँ । काठमाडौँको सिनामंगलमा एम्बुलेन्सको ठक्करबाट एकजना पुरुषको ज्यान गएको छ ।

काठमाडौँ महानगरपालिका– ९ सिनामंगलस्थित सडकमा मधेस प्रदेश ००१ प ११३४ नम्बरको एम्बुलेन्सको ठक्करबाट उदयपुर घर भएका ३५ वर्षीय दीपक राईको सोमबार बेलुकी मृत्यु भएको हो ।

ठक्करबाट गम्भीर घाइते भएका उनको काठमाडौँ मेडिकल कलेजमा उपचारका क्रममा मृत्यु भएको हो । घटनापछि एम्बुलेन्स चालकलाई प्रहरीले नियन्त्रणमा लिएको छ ।