विद्युत् प्राधिकरणले अहिले लिएको बाटो एकदमै ठिक छः मन्त्री बस्नेत

काठमाडौँ । ऊर्जा जलस्रोत तथा सिँचाइमन्त्री शक्तिबहादुर बस्नेतले नेपाल विद्युत् प्राधिकरणले गरिरहेको काम ठिक भएको बताएका छन् । प्राधिकरणले गरिरहेको डेडिकेटेड र ट्रंक लाइनको बक्यौता उठाउने काम ठिक भएको उनको भनाई छ ।

मंगलबार पूर्वाधार विकास समितिको बैठकमा बोल्दै प्राधिकरणको बक्यौता उठाउने लाइन ठिक भएको बताए ।

‘विद्युत् प्राधिकरणले अहिले जुन बाटो लिएको छ । त्यो एकदमै ठिक छ । अर्को बाटो नैै थिएन,’ उनले भने, ‘विद्युत् नियमन आयोगको निर्णयले केही दुविधा देखाएको भए पनि अहिले गरेका निर्णय ठीक छन् ।’