बालकुमारीबाट पक्राउ गरिएका ७३ जनामाथि मुद्दा नचलाइने

काठमाडौँ। ललितपुरको बालकुमारीमा भएको प्रदर्शनका क्रममा पक्राउ गरिएका ७३ जनालाई छाड्ने तयारी भएको छ ।

पुस १३ मा रोजगार अनुमति प्रणाली (इपिएस) मार्फत कोरियामा काम गर्न जान खोज्नेहरुले गरेको प्रदर्शनको क्रममा पक्राउ गरिएकाहरुलाई कुनै मुद्दा नचलाई आजै छाड्ने निर्ण भएको जिल्ला प्रहरी परिसर ललितपुरले जनाएको छ ।

भौतिक पुर्वाधार तथा यातायात मन्त्री प्रकाश ज्वाला चढ्ने बा.२ झ. ५८६१ नम्बरको गाडी जलाएको र भौतिक सम्पती तोडफोड गरेको आरोपमा उनिहरु पक्राउ परेका हुन् ।

उक्त घटनामा दैलेखका २३ वर्षीय सुजन रावत र २२ वर्षीय वीरेन्द्र साहको मृत्यु भएको थियो ।