जाजरकोट । कार्तिक १७ गते शुक्रवार राति आएको भुकम्पबाट प्रभावित जाजरकोटका पिडितहरुलाइ राहत वितरण गरिएको छ । पाल्वरलीङ्ग सेन्टरले सामाजिक कार्यमा अग्रसर देखाउदै समाजसेवी राजु गुरुङको टिमले स्थानिय समाजसेवी नारायण घर्तीको अगुवाईमा जाजरकोट पुगेर राहत वितरण गरेको हो ।
पाल्वरलीङ्ग सेन्टरका अध्यक्ष मास्टर सेन्टोकको बिषेश अगुवाइमा सो कार्य भएको हो ।
कार्तिक १७ गते गएको भुकम्पमा परि धन जनको क्षती भएर जाजरकोट मात्रै नभयर सिंगो देश नै शोकमा डुबेको बेला सहयोग गरिएको संस्थापक राजु गुरुङले बताए । गुरुङका अनुसार भुकम्पमा परेर ज्यान गुमाउने मृतक परिवारहरु र सुत्केरीहरु , पिडित र बालबालिका सहित करिव ७०० जनालाइ उपलब्ध गरिएको छ ।
अभियान्ताको टिमले जाजरकोटको नलगाड नगरपालिका वडा नं ३ मा आवश्यक सामाग्री खाध्यान, ब्ल्याङ्केट, त्रिपाल, लुगा कपडा, बच्चाहरुलाइ स्टेशनरी सामान लगायतको राहत सामाग्री प्रदान गरेको छ । दैलोमा नै पुगेर मृतकका परिवारलाई, अपाङ्ग अशक्त, दलित परिवार, एकल महिला, वृद्ध वृद्धा, अनाथ र, पुर्ण रुपमा क्षती भएका घर घर बस्तीमा गएर प्रत्यक्ष पीडित परिवारहरुलाई सहयोग गरिएको हो ।
पश्चिम नेपालको जाजरकोटलाई केन्द्रबिन्दु बनाएको भूकम्पमा परेर कम्तीमा १५७ जनाको ज्यान गएको गृह मन्त्रालयले जनाएको छ।
भूकम्पका कारण घाइते हुनेहरुको सङ्ख्या ३७५ पुगेको छ । पाल्वरलीङ्गले करिब २२ लाख रुपैया बराबरको राहात सामाग्री बितरण गरेको हो ।
