बल्खुमा प्रदर्शनकारीमाथि अश्रुग्यास प्रहार

काठमाडौँ। मेडिकल ब्यवसायी दुर्गा प्रसाईको नेतृत्वमा बल्खुमा भइरहेको प्रदर्शनमा प्रहरीले बल प्रयोग गर्न सुरु गरेको छ।

नागरिक बचाउ अभियानको जुलुस कालीमाटीतर्फ प्रस्थान गर्न लाग्दा प्रहरीले अश्रुग्यास प्रहार गरेको हो। अश्रुग्यास प्रहारपछि भिड तितरबितर भएका छन्।

काठमाडौँको बिभिन्न स्थानबाट सुरु भएको जुलुस बल्खु पुगेको थियो। बल्खु पुगेपछि भिड उत्तेजित बनेपछि प्रहरीले अश्रुग्यास प्रहार गरेको हो।

अश्रुग्यास प्रहारपछि प्रदर्शनकारीहरुले प्रहरीले दमन गरेको भन्दै बिरोध गरेका छन्। उनीहरु प्रहरीप्रति थप आक्रामक भएका छन्।