Techie IT
२०८१ चैत्र २२, शुक्रबार
NepaliPatra logo
गृहपृष्ठनेपालदुर्गा प्रसाईँको कार्यक्रममा आएका महिलाहरु सुतेको ठाउँबाटै लखेटिए

दुर्गा प्रसाईँको कार्यक्रममा आएका महिलाहरु सुतेको ठाउँबाटै लखेटिए


काठमाडौँ। मंसिर ७ गते मेडिकल ब्यवसायी दुर्गा प्रसाईँको प्रदर्शन कार्यक्रममा सहभागी हुन काठमाडौँ बाहिरबाट आएका महिलाहरु सुतेको स्थानबाट लखेटिएका छन्। इटहरीदेखि काठमाडौँ आएका प्रसाईँ समर्थकहरुलाई मंगलबार राति एक समूहले लोकन्थलीस्थित एक पार्टी प्यालेसमा सुतिरहेको अवस्थामा लखेटेका हुन्।

एमालेको भातृ संगठन युवा संघका कार्यकर्ता बताउँदै मध्यराति सुतिरहेका महिलाहरुलाई लखेटेको भिडिओ अहिले सामाजिक सञ्जालमा भाइरल भइरहेको छ। सार्वजनिक भिडियोमा ‘हेलो दिदीहरू, फोन गर्नु त युवा संघले लखेटे भनेर! तपाईंहरु ७ गतेको कार्यक्रममा आउनुभएको हो, तपाईंहरु उठिहाल्नु त, ल छिटो गर्नुस्, १० मिनेटको समय दिन्छौँ’ भन्दै फर्किन धम्क्याएको सुनिएको छ।

सो समूहको धम्कीपछि महिलाहरु हतारिएर लुगा लगाउन थालेका छन् छन् साथै, उनीहरुलाई तुरुन्तै निस्किन आदेश दिइएको छ। महिलाहरुले उज्यालोसम्म बस्न दिन र बिहान भएपछि आफै जाने भन्दै याचना गरेको भए पनि सो समूहले चेतावनीको भाषामा ‘हुँदैन’ भनेका छन्।

समूहका एक युवाले ‘युट्युबमा दुर्गा प्रसाईं भनेर कुर्लिएजस्तो होइन। देखाइदिन्छौँ भनेको होइन, अब हामी देखाइदिन्छौँ, सबैलाई काठमाडौँबाट लखेटेर। दुर्गा प्रसाई पागललाई फोन गरेर युवा संघले लखेट्यो भनेर भन्नुस्’ भनेका छन्।

सो घटनाको चौतर्फी आलोचना भएपछि प्रहरीले घटनाबारे छानबिन थालेको बताएको छ। सीसीटिभी फुटेज हेरेर घटनाबारे अनुसन्धान भइरहेको प्रहरीको भनाई छ।

त्यस्तै, नेकपा एमालेको भातृ संगठन राष्ट्रिय युवा संघ नेपालका अध्यक्ष क्षितिज थेबेले भने सो घटनामा आफूहरूको संलग्नता नरहेको दाबी गरेका छन्। साथै, उनले भिडियोको वास्तविकता बुझ्ने काम भइरहेको प्रतिक्रिया दिएका छन्।




ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।



तपाईको प्रतिक्रिया दिनुहोस


थप समाचार

काठमाडौं महानगरपालिकाले ल्यायो घुम्ती खाद्य प्रयोगशाला सञ्चालन

काठमाडौं । काठमाडौं महानगरपालिकाले खाद्य प्रविधि तथा गुण नियन्त्रण विभागसँगको सहकार्यमा खाद्य सेवासँग सम्बन्धित बजार अनुगमनमा घुम्ती खाद्य प्रयोगशाला सञ्चालन

वायुमा प्रदूषण उच्च: अनावश्यक यात्रा नगर्न स्वास्थ्य मन्त्रालयको अनुरोध

काठमाडाैँ । काठमाडाैँ लगायत देशको पूर्वी भागमा वायु प्रदूषणले खतराको तह पार गरेको छ । वायुको अवस्था मापन गर्ने आईक्यू

खुल्दैछन् लैङ्गिक तथा यौनिक अल्पसङ्ख्यक

पाल्पा । सामाजिक विभेद र लाञ्छनाका कारण समाजमा लुकेर बसेका लैङ्गिक तथा यौनिक अल्पसङ्ख्यक नागरिकहरू पछिल्लो समय खुल्न थालेका छन्

डिशहोमले इजभिजको वाइफाइ आइपी क्यामेरा बिक्री गर्ने

काठमाडौँ । इन्टरनेट सेवा प्रदायक डिशहोम इन्टरनेटले ग्राहकहरुको आवश्यकतालाई मध्यनजर गर्दै इन्टरनेटसँगै सुरक्षा निगरानीका लागि वाइफाइ आइपी क्यामेरा पनि उपलब्ध

ऊर्जा मन्त्रालयको हटलाइनमा एक महिनामा १९ सय उजुरी

काठमाडौँ । ऊर्जा, जलस्रोत तथा सिँचाइ मन्त्रालयले सञ्चालनमा ल्याएको हटलाइन सेवा (११५१)मा उजुरी दिनेको सङ्ख्या उल्लेख्य देखिएको छ । काममा

भारतको गुजरातमा पटाका गोदाममा विस्फोट हुँदा १७ जनाको मृत्यु

एजेन्सी । भारतको गुजरात राज्यमा एक पटाका गोदाममा भएको विस्फोटपछि आगलागी हुँदा १७ जनाको मृत्यु भएको छ भने पाँच जना

Techie IT