वृद्ध दम्पतीको ६ लाख रकम लुट्ने पक्राउ

बर्दिबास । वृद्ध दम्पतीको रकम लुट्ने सर्लाही मलंगवा ५ भाडसरका २९ वर्षीय रमेश सनहीलाई प्रहरीले पक्राउ गरेको छ ।

गौशाला बजारस्थित एनआईसी बैङ्कबाट ६ लाख ३६ हजार रुपैयाँ निकालेर घरतर्फ जाँदै गरेका गौशाला नगरपालिका ११ भरतपुरका शम्भु महतो र सूर्यकला देवीको रकम लुटपाट गरी फरार भएका थिए ।

सिसी क्यामेरा फुटेज तथा अल्फाबेट नखुलेको ७०५९ नंको भारतीय मोटरसाइकलको आधारमा प्रहरीले उनलाई पक्राउ गर्न सफल भएको हो ।

प्रहरीले थप अनुसन्धान भइरहेको जनाएको छ ।