इराजयलमा रहेका नेपाली ल्याउन निगमको जहाज आज राति ११ बजे उड्ने

काठमाडौँ। इजरायलमा रहेका नेपालीलाई फिर्ता ल्याउन नेपाल एयरलाइन्सको जहाज आज राति उड्ने भएको छ। सरकारले द्वन्द्वग्रस्त इजरायलमा रहेका नेपालीको उद्धारका लागि जहाज आज राती ११ बजे त्यसतर्फ पठाउने भएको हो।

इजरायलमा सुरक्षित स्थानमा राखिएका नेपालीहरुले आफुहरुलाई छिटो स्वदेश फर्काउन गरेको आग्रहका आधारमा सरकारले नेपाल वायु सेवा निगमको जहाज पठाउन लागेको हो।

परराष्ट्रमन्त्री एनपी साउदको सचिवालयका अनुसार नेपाल वायु सेवा निगमको जहाज आज राति ११ बजे त्रिभुवन विमानस्थलबाट दुबई ट्रान्जिट बनाएर इजरायल जाने भएको छ।

इजरायलमा हमासको आक्रमणको क्रममा त्यहाँ रहेका १० नेपाली विद्यार्थीको मृत्यु भएको थियो। जोखिममा रहेका नेपालीले सरकारबाट उद्धारको लागि याचना गरिरहेका छन्।