सुन तस्करी प्रकरणः राहुलसहित ४ जनाविरुद्ध मुद्दा दायर (पूर्णपाठ)

काठमाडौँ। भेपमा लुकाई तस्करी गरी ल्याएको सुन प्रकरणमा नेकपा माओवादी केन्द्रका नेता कृष्णबहादुर महराका छोरा राहुल महरासहित चार जनाविरुद्ध मुद्दा दर्ता भएको छ।

जिल्ला सरकारी वकिल कार्यालय काठमाडौँले महराका छोरा राहुल महरा, सर्लाहीको राजघाट घर भइ काठमाडौँको नागार्जुन बस्ने लोकेन्द्रकुमार पौडेल, तिब्बती मुलका बेल्जियम नागरिक दावा छिरिङ शेर्पा र र काठमाडौँ बौद्धका निमा गुरुङ विरुद्ध काठमाडौँ जिल्ला अदालतमा मुद्दा दायर गरेको हो।

गत पुस १० गते फ्लाई दुबईको जहाजमार्फत् चिनियाँ नागरिक लि ह्यानसङ्गले सुटकेशमा लुकाएर भेपभित्र सुन ल्याएका थिए। सुनले भरिएको उक्त सुटकेश संकास्पद देखिएपछि विमानस्थल भन्सारले नियन्त्रणमा लिएको थियो।