राष्ट्रपतिले पहिलो पटक सर्वदलीय बैठक बोलाउँदै

नेपालीपत्र बिहीबार, २०८० साउन ३२ गते, १६:३८ मा प्रकाशित नेपाल

काठमाडौँ। संघीय संसद् अन्तर्गतका दुवै सदनमा देखिएको गतिरोध अन्त्यका लागि राष्ट्रपति रामचन्द्र पौडेलले सर्वदलीय बैठक बोलाउने भएका छन्। राष्ट्रपतिमा निर्वाचित भएपछि पौडेलले पहिलो पटक सर्वदलीय बैठक बोलाउन लागेका हुन्।

राष्ट्रपति पौडेलले सबै राजनीतिक दलका नेताहरुलाई भेट्न र छलफल गर्नका लागि सर्वदलीय बैठक बोलाउन लागेको राष्ट्रपतिका प्रमुख राजनीतिक सल्लाहकार सुनिलबहादुर थापाले मेरोन्यूजलाई जानकारी दिए।

‘राष्ट्रपति भएपछि बिरामी परेकाले उहाँले सबै दलका नेताहरूसँग एक पटक पनि भेट्न पाउनु भएको छैन,’ थापाले मेरोन्यूजसँग भने, ‘अहिले स्वास्थ्य पनि ठिक भएको र संसद पनि चलिरहेकोले एक पटक भेट्नु पर्छ भनेर तयारी भइरहेको हो।’

बैठकको मिति भने तय भइनसकेको थापाले बताए। ‘सरसल्लाह गरेर मिति तय हुन्छ। नेताहरूको समय पनि मिल्नु पर्‍यो।

#रामचन्द्र पौडेल #राष्ट्रपति

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।