झापा जिल्ला कारागारमा आगलागी

झापा। झापा जिल्ला कारागारमा आगलागी भएको छ। कैदीबन्दीबीच झडप भएपछि कारागारभित्र आगलागी भएको हो।

कारागारमा रहेका कैदी मनोज लावतीलाई सुनसरीको झुम्का कारागार सरुवा गर्ने निर्णयको विरोधमा कारागारका कैदीबन्दीहरु आन्दोलनमा उत्रिएका हुन्। कारागारभित्र ढुंगामुडा भएको थियो।

कारागारभित्रबाट धुँवाको मुस्लो उडिरहेको छ। भद्रपुर, मेचीनगर र विर्तामोडको दमकलले आगो निभाउने प्रयास गरिरहेको छ।