गृहपृष्ठ ∕
नेपाल ∕
भ्रष्टाचार गरेको ठहरसहित चाबहिलका नापी अधिकृत राजु पुरीविरुद्ध मुद्दा दायर भ्रष्टाचार गरेको ठहरसहित चाबहिलका नापी अधिकृत राजु पुरीविरुद्ध मुद्दा दायर
काठमाडौँ। अख्तियार दुरुपयोग अनुसन्धान आयोगले नापी कार्यालय चाबहिलका नापी अधिकृत राजु पुरीविरुद्ध १ करोड ४ लाख रुपैयाँ भ्रष्टाचार गरेको ठहर गर्दै विशेष अदालतमा आइतबार मुद्दा दर्ता गरेको छ। आयोगले भ्रष्टाचार गरी गैरकानुनी रुपमा सम्पत्ति आर्जन गरेको ठहर गर्दै नापी अधिकृत पुरीविरुद्ध १ करोड चार लाख बढिको भ्रष्टाचार मुद्दा दायर गरेको हो।
भ्रष्टाचार गरी गैरकानुनी सम्पत्ति आर्जन गरेको भन्ने उजुरीका आधारमा अनुसन्धान हुँदा नापी अधिकृत पुरीले सार्वजनिक सेवामा प्रवेश गरेको मिति २०५२÷०९÷०९ देखि २०७९ असार सम्मको अवधिमा कमाएकोमध्ये १ करोड ४ लाख ३ हजार ९ सय ४१ रुपैयाँ बराबरको सम्पत्तिको वैधानिक स्रोत खुल्न आएको नदेखिकाले आइतबार विशेष अदालत काठमाडौँमा भ्रष्टाचार मुद्दा दायर गरिएको अख्तियारका प्रवक्ता भोला दाहालले जानकारी दिए।
अख्तियारका अनुसार पुरीमाथि सोही रकम बराबरको विगो माग दावी गरिएको छ। पुरीले सार्वजनिक पदमा रहँदा गैरकानुनी सम्पत्ति आर्जन गर्नुको साथै अमिल्दो र अस्वभाविक उच्च जीवनस्तर यापन गरेको अख्तियारको ठहर छ।
पुरीले सरकारी सेवामा रहँदाको करिब २७ वर्षमा १ करोड २० लाख ७७ हजार ७ सय ४८ रुपैयाँ आय गरेको तर सोही अवधिमा २ करोड २४ लाख ८१ हजार ६ सय रुपैयाँ खर्च गरेको पुष्टि भएको अख्तियारले जनाएको छ। व्ययको तुलनामा निजले प्राप्त गरेको रकम अस्वभाविक र वैधानिक स्रोत खुल्न नआएकाले अख्तियार दुरूपयोग अनुसन्धान आयोग ऐन २०४८ को दफा २९ ख बमोजिम गैरकानुनी रुपमा आर्जन गरेको सम्पत्ति जफत एवं असुल हुनसमेत मागदावी गरिएको प्रवक्ता दाहालको भनाइ छ।
ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
काठमाडौं । चन्द्रागिरि नगरपालिकाले सामुदायिक विद्यालयमा ‘बहुप्राविधिक शिक्षालय’ सञ्चालन गर्न शुरुआत गरेको छ । ‘पढ्दै कमाउँदै’ अवधारणा एवं विद्यार्थीलाई माध्यामिक
काठमाडाैँ । काठमाडाैँकाे ठमेलबाट अपहरणमा परेका एक जना चिनियाँ नागरिकलाई प्रहरीले उद्धार गरेको छ । चिनियाँ नागरिकलाई अपहरण गरी लैजाँदै
काठमाडौँ । स्वास्थ्य तथा जनसंख्या मन्त्रालयले आकस्मिक तथा भर्ना भएका बिरामी रेफर गर्दा पहिलो स्वास्थ्य संस्थालाई जिम्मेवार बनाउने गरी बिरामी
काठमाडौं । राष्ट्रिय स्वतन्त्र पार्टी (रा.स्व.पा.) का सभापति एवं पूर्व गृहमन्त्री रवि लामिछानेलाई काठमाडौं जिल्ला अदालतले प्रहरीको जिम्मा लगाउन आदेश
रुपन्देही । नेपाली कांग्रेसका नेता एनपी साउदले दुईतिहाइ बहुमतको सरकारले अध्यादेशमार्फत कानुन बनाउनु सकारात्मक नभएको बताएका छन् । आज रुपन्देहीको
जलेश्वर । विगत पाँच दिन देखि अविरल रुपमा चिसो स्याँठ चल्नुका साथै शीतलहरले महोत्तरी सहित तराई मधेसमा जनजीवन प्रभावित भएको
