काठमाडौँ। रुकुम पश्चिमको बाँफिकोट गाउँपालिका– ८ बिहीबार बिहान भएको जिप दुर्घटनामा गम्भीर घाइते भएका ४ जनालाई थप उपचारका लागि हेलिकप्टरबाट नेपालगन्ज पठाइएको छ।
सानीभेरीका कर्णबहादुर बाठा मगर र देउचन खत्री, प्रसिद्ध कुसारी, अनिता केसी, ललित बाठा मगर, प्रेम बाठामगर, बाँफिकोट–८ का रेखा खत्री र उनका छोरा रोशनको अवस्था गम्भीर रहेको रुकुम पश्चिम प्रहरीले जनाएको छ। तीमध्ये चार जना प्रसिद्ध, अनिता, ललित र प्रेमलाई थप उपचारका लागि सेनाको हेलिकप्टरबाट नेपालगञ्ज रिफर गरिएको हो।
अन्य घाइतेहरुको जिल्ला अस्पताल सल्लेमा उपचार भइरहेको छ।
सानीभेरी गाउँपालिकादेखि रुकुमपश्चिमको खलंगाका लागि छुटेको लु १ ज १७४७ नम्बरको जिप दुर्घटना हुँदा ४ जनाको मृत्यु र १० जना घाइते भएका छन्।
