रुकुम पश्चिमको बाँफिकोटमा जिप दुर्घटना हुँदा ४ जनाको मृत्यु, १० जना घाइते

काठमाडौँ। रुकुम पश्चिमको बाँफिकोट गाउँपालिका–८ मा बिहान जिप दुर्घटना भएको छ। सानीभेरी गाउँपालिकादेखि रुकुमपश्चिमको खलंगाका लागि छुटेको लु १ ज १७४७ नम्बरको जिप बिहीबार बिहान दुर्घटना हुँदा ४ जनाको मृत्यु र १० जना घाइते भएका हुन्।

बाँफिकोट–८ वडा अध्यक्ष धनबहादुर खत्रीका अनुसार मृत्यु हुनेमा सानीभेरी गाउँपालिका–५ का कर्णे बाठा र देउचन खत्री, त्यस्तै बाँफीकोट गाउँपालिका– ८ की रेखा खत्री र उनको सानो छोराको पनि दुर्घटनामा मृत्यु भएको छ।

जिपमा १४ जना सवार थिए। जिप सडकबाट अन्दाजी ४०० मिटर तल खसेको छ भने दुर्घटनाको कारण खुल्न सकेको छैन।