गाँउ ठाँउ भोट देस मदेस, जत्तेइ तत्तेइ नाम छर
उना कुना कुण्डा देश भया लै, इजत पौन्या काम गर
हृदमा बाडुलि लगाइदिन्या ,भोलकि बैकालि घाम छर
मुइ सकि राखुलो मनले भण्णु ,तम रामडो काम गर
मौरा हेर धेउडा हेर , एक्कै जोरै हम्म गर
घाडि होउ कि माल मलास ? मन फूरौन्या सम्म गर
किरमुलाको तम काम हेर ,दुबी चौड घाँस हेर
कुया मुँणाइ लै कापो आँउछ,अनसोसिमा तम सास फेर
देउ पितरकि रिति-थिति हमरी ,समाजकि तम फाम गर
अन्धविश्वास को जडो खुसाइ ,उब्यान्दको तामझाम गर
ऐतर हेर पैथर हेर , विद्या – धनको ज्ञान गर
समाज एकैले नाइ बन्नो लाँउ , खेडि-झोडीको ध्यान गर
साँको हाल टेको हाल,एक्कै जोरै हम्म गर
मन पुङराइ उबि उमरैमा, एकताको जोस टम्म भर
-शिवराज कलौनी
भि न पा -३ कन्चनपुर
