काठमाडौं । सर्लाहीस्थित लालबन्दी नगर वाङ्मय परिषद्ले ‘लालबन्दी नगर वाङ्मय परिषद् भाषा तथा साहित्य पुरस्कार—२०८१’ का निम्ति १० कृतिको सूची सार्वजनिक गरेको छ ।
ती कृतिमा अन्तर (रमेश सायन), काली कर्णालीको लोकसाहित्य तथा संस्कृति (यज्ञराज उपाध्याय), जोगियाना (नगरकोटी), नेपाली संगीत दरबार (प्रा. डा. ध्रुवेशचन्द्र रेग्मी), पुरुष परीक्षा (धीरेन्द्र प्रेमर्षि), प्रश्नहरू त बाँकी नै रहन्छन् (मोमिला जोशी), बुढीपोल्ली (खेम बतास), बोरा (अखण्ड भण्डारी), भूपिनका कविता (भूपिन) र मुकाम रणमैदान (मोहन मैनाली) रहेका परिषद्का अध्यक्ष अच्युत अधिकारीले जानकारी दिए ।
१० मध्ये उत्कृष्ट एक कृतिका कृतिकारलाई ५० हजार नगद राशिसहितको उक्त पुरस्कार प्रदान गरिनेछ ।
