एजेन्सी । आजको समयमा, फ्रिज हरेक घरमा प्रयोग हुने अत्यावश्यक मेसिन हो । मानिसहरु अक्सर अनजानमा केहि यस्ता चीजहरु फ्रिजमा राख्छन्, जसलाई राख्नाले भविष्यमा उनीहरुलाई धन घाटाको सामना गर्नुपर्ने हुन्छ । फ्रिजको वास्तु नियमबारे आज चर्चा गरौं ।
धेरैलाई पैसा फ्रिजमाथि राख्ने बानी हुन्छ । वास्तुशास्त्रका अनुसार पैसा र सुन आदिलाई कहिल्यै पनि फ्रिजभन्दा माथि राख्नु हुँदैन । यसले व्यापारमा घाटा हुन सक्छ । धेरै मानिसहरूलाई आफ्ना बच्चाहरूको पदक वा ट्रफीहरू फ्रिजको माथि राख्ने बानी हुन्छ । यसो गर्नु शुभ मानिदैन ।
धेरैले डेकोरेशनको लागि फ्रिजमा बिरुवा आदि राख्छन् । वास्तुशास्त्र अनुसार बाँसको बोटलाई कहिले पनि फ्रिजभन्दा माथि राख्नु हुँदैन ।
औषधिलाई फ्रिजमाथि राख्दा यसको प्रभाव समाप्त हुन्छ । यो तथ्यलाई विज्ञानले पनि स्वीकार गरेको छ । फ्रिजबाट निस्कने गर्मीले औषधिलाई असर गर्छ ।
फ्रिज सधैं भित्ताबाट कम्तिमा एक फिट टाढा राख्नुपर्छ । घरमा सुख–शान्ति कायम राख्न फ्रिज सधैं पश्चिम दिशामा राख्नुहोस् । यसका अलावा दक्षिण–पश्चिम दिशालाई पनि शुभ मानिन्छ ।
