एजेन्सी । आजको जीवनशैलीमा स्वस्थ रहनु नै सबैभन्दा ठुलो चुनौती रहेको छ । शरीरलाई तन्दुरुस्त राख्न पोषक तत्व चाहिन्छ, जुन हामीले ताजा फलफूल र तरकारीबाट पाउँछौँ। रोगबाट बच्न र आफूलाई फिट राख्नको लागि आहारमा फलफूलको मात्रा बढी राख्नुपर्छ । फलफूल खाँदा पाचन प्रणालीले राम्रोसँग काम गर्छ र तपाई स्वस्थ रहनसक्नुहुन्छ ।
केही फलहरु यस्ता छन् जुन बिहान खाली पेटमा खान सकिन्छ तर धेरै फलहरु यस्ता छन् जसलाई बिहान १० बजेदेखि दिउँसो १२ बजेसम्म खाइयो भने स्वास्थ्यमा राम्रो प्रभाव पार्छ । यस्ता धेरै फलफूल छन् जसमा प्रोटिनभन्दा फाइबरको मात्रा बढी हुन्छ, जसका कारण बिहान बेलुका खानुको सट्टा मध्यरातमा खानु फाइदाजनक हुन्छ ।
तपाईं खाली पेटमा किवी खान सक्नुहुन्छ, फाइबरसँगै धेरै पोषक तत्वहरूले भरिपूर्ण हुन्छ। किवी डेंगु रोगमा पनि फाइदाजनक हुन्छ, यसको सेवनले पाचन प्रणालीले राम्रोसँग काम गर्छ र शरीरलाई उर्जा मिल्छ ।
खाली पेटमा स्याउ खान सक्नुहुन्छ, यसको सेवनले तौल नियन्त्रणमा पनि फाइदा पुग्छ । पौष्टिक तत्वले भरिपूर्ण स्याउ खाँदा कब्जियत, ग्यासबाट छुटकारा पाउन र पाचन प्रणालीलाई सुधार्न मद्दत गर्छ।
एन्टिअक्सिडेन्ट र एन्टी–इन्फ्लेमेटरी गुणले भरिपूर्ण अनारलाई खाली पेटमा सेवन गर्न सक्नुहुन्छ। अनार खाँदा शरीरमा आइरनको कमी पूरा हुन्छ र रोग प्रतिरोधात्मक क्षमता पनि बढ्छ ।
मेवा खाँदा शरीरलाई धेरै फाइदा हुन्छ । मेवा खाली पेटमा खान सकिन्छ । फाइबरले भरिपूर्ण मेवा तौल नियन्त्रण गर्नका साथै कोलेस्ट्रोलको स्तरलाई पनि ठीक राख्छ । यो खाँदा अपच, कब्जियत र पेट फुल्ने जस्ता समस्याबाट राहत मिल्छ ।
