एजेन्सी । रुसको निजी सेना वाग्नर समूहका लडाकुहरू रुसबाट बेलारुसमा प्रवेश गरेका छन् । युक्रेन र पोल्याण्डका अधिकारीहरूका अनुसार मिन्स्कको सशस्त्र बलहरूलाई उनीहरुले सैन्य प्रशिक्षण दिइरहेका छन्।
युक्रेनी सीमा एजेन्सीका प्रवक्ता एन्ड्रि डेमास्कोले वाग्नर बेलारुसमा रहेको बताए।
यस सम्बन्धमा उनले टेलिग्राम मेसेज एप मार्फत आफ्नो भनाइ दिएका हुन् । रोयटर्सको विज्ञप्तिमा भनिएको छ कि वाग्नर समूहका केही लडाकुहरू मंगलबारदेखि बेलारुसमा छन्।
बेलारुसको रक्षा मन्त्रालयले शुक्रबार एक भिडियो पनि जारी गरेको थियो ।
भिडियोमा वाग्नर लडाकुहरूले बेलारूस सेनाका लडाकुहरूलाई निर्देशन दिइरहेको देखाइएको छ। जुन महिनामा रुसमा सैन्य विद्रोह भएको थियो, त्यसपछि वाग्नर समूहलाई सम्झौतामा बेलारुस जान अनुमति दिइएको थियो।
बेलारुसको सक्रियतामा सैन्य विद्रोह समाप्त भएको थियो।
यस अवधिमा रुसी निजी सेनाका प्रमुख येवगेनी प्रिगोजिनको नेतृत्वमा वाग्नर समूहले मस्कोतर्फ मार्च गरेको थियो । वाग्नर प्रमुख येभजेनी प्रिगोजिन जुन २४ पछि रोस्तोभ–अनडन सहरमा देखिएका छैनन्।
