एजेन्सी । गुलियन बेरी सिन्ड्रोमका कारणहरू पूर्ण रूपमा बुझ्न अझै पनि चिकित्सा विज्ञानका लागि चुनौती बनेको छ। तर, उक्त सिन्ड्रोमलाई अटोइम्यून डिसअर्डर भनिन्छ। यो सिन्ड्रोम शल्यक्रिया वा खोप लगाएको सात दिनदेखि पाँच हप्तासम्म दुई तिहाइ बिरामीहरूमा देखिएको छ।
केही मानिसहरूमा यो संक्रमण ट्रिगर जस्तै काम गर्दछ।
पेरुले यसैका कारण स्वास्थ्य आपतकाल घोषणा गरेको छ। यो रोगका कारण मानिसहरु पक्षघातको शिकार भइराखेका छन् ।
शरिरको प्रतिरोधात्मक क्षमताको विरुद्ध यो यो सिन्ड्रोमले काम गर्ने बताइएको छ ।
त्यसैले यसलाई अटो इम्युन डिसअर्डरको श्रेणीमा राखिएको छ ।
यस रोगबाट पीडित व्यक्तिमा कमजोरी हुनुका साथै हात खुट्टामा झनझन महसुस हुने गरेको बताइएको छ ।
सुरुमा श्वासप्रश्वाससम्बन्धी रोग पनि महसुस हुने तर लामो समयपछि शरीर पूर्ण रूपमा पक्षाघात हुने मिडिया रिपोर्टमा उल्लेख छ ।
यो रोगमा ब्लड प्रेसरको समस्या देखि सास फेर्न गाह्रो हुने सम्मको गम्भीर समस्याको सामना गर्नु पर्ने हुन्छ । यसको उपचारको लागि इम्यून ग्लोब्युलिन, प्लाज्मा एक्सचेन्ज र गम्भीर अवस्थामा मेकानिकल भेन्टिलेसनको सहयोग आवश्यक हुन सक्छ।
