एजेन्सी । फ्रान्सको राजधानी पेरिसमा प्रहरीले गोली हानेर एक बालकको हत्या गरेको घटनापछि सुरु भएको कोलाहल रोकिएको छैन ।
यो देशमा विगत ४ दिनदेखि व्यापक विरोध प्रदर्शन र आगजनी भइरहेको छ ।
आन्दोलनकारीले ब्यारिकेड लगाएर सडक अवरुद्ध मात्र गरेका छैनन्, प्रहरीमाथि समेत प्रहार हतियारले आक्रमण गरिरहेका छन् ।
यस हिंसात्मक प्रदर्शनमा २ सयभन्दा बढी प्रहरी घाइते भएका छन् भने हजारभन्दा बढी प्रदर्शनकारीलाई पक्राउ गरिएको बताइएको छ ।
प्रहरीले प्रदर्शनकारीलाई नियन्त्रण गर्न संघर्ष गरिरहेको छ । प्रहरीले अश्रुग्यास र पानीको फोहोरा प्रयोग गरिरहेको छ।
मङ्गलबार सवारीसाधन चेकिङका क्रममा १७ वर्षीया नाहेलको हत्याको भिडियो पनि सार्वजनिक भएको छ र यो घटनाका कारण जनतामा चर्को आक्रोश छाएको छ ।
यसैबीच, फ्रान्सेली राष्ट्रपति इमानुएल म्याक्रोनले शुक्रबार अभिभावकहरूलाई युवाहरूलाई घरमा राख्न आग्रह गरेका थिए ।
फ्रान्समा फैलिएको दंगालाई रोक्नको लागि सोशल मिडिया प्रतिबन्धको प्रस्ताव गरिएको छ।
