खैबर पख्तुनख्वामा एकै परिवारका ९ जनाको हत्या

एजेन्सी । पाकिस्तानको खैबर पख्तुनख्वा प्रान्तमा ठुलो घटना घटेको छ । अपरिचित बन्दुकधारीले एक घरमा घुसेर एकै परिवारका नौ जनाको हत्या गरेको मिडिया रिपोर्टमा उल्लेख छ ।

घटनापछि बन्दुकधारीहरु घटनास्थलबाट फरार भएको बताइएको छ ।

मृत्यु हुनेमा तीन महिला र ६ पुरुष रहेका छन् । बन्दुकधारीहरुल् अटोमेटिक हतियारको प्रयोग गरेको प्रहरीले जनाएको छ ।

घटनालगत्तै घटनास्थलमा पुगेको प्रहरीले शवलाई नियन्त्रणमा लिएर पोस्टमार्टमका लागि पठाएको छ ।

यद्यपी घटनाको पछाडि के कारणले भएको हो भन्ने अहिलेसम्म खुल्न सकेको छैन ।

घटनाको कारण के हो भन्ने बारे सम्पूर्ण अनुसन्धान भईरहेको स्थानीय प्रहरीले जनाएको छ ।