एजेन्सी । रुसी राष्ट्रपति पुटिनविरुद्ध विद्रोह गर्ने वाग्नर समूहविरुद्ध पनि अमेरिकाले कारबाही गर्ने भएको छ ।
यो कारबाही वाग्नर समूहले पुटिनविरुद्ध विद्रोह गरेको कारण होइन। अमेरिकाले पहिले नै वाग्नर समूहलाई प्रतिबन्ध गर्ने कदम चाल्न लागेको थियो।
रुसको तर्फबाट निजी सेना वाग्नर समूह युक्रेनविरुद्ध आक्रामणमा होमिएपछि अमेरिकाले कारबाही गर्ने तयारी गरेको थियो।
अमेरिकाले निजी सैन्य समूह ‘वाग्नर’सँग सम्बन्धित चार कम्पनी र एक व्यक्तिमाथि प्रतिबन्ध लगाएको छ ।
‘वाग्नर’ समूहका प्रमुख येभगेनी प्रिगोजिनको नेतृत्वमा रुसविरुद्धको विद्रोहपछि यो कदम चालिएको हो ।
प्रिगोजिनले आफ्ना सेनाहरूलाई मस्कोतर्फ मार्च गर्न आदेश दिएका थिए। यद्यपि, प्रिगोजिनले अचानक रूससँगको सम्झौताबाट बाहिरिने घोषणा गरे र बेलारुस गए।
