एजेन्सी । अमेरिकाको फिनिक्समा एउटा अचम्मको घटना बाहिर आएको छ ।
एक उच्च माध्यमिक विद्यालयका विद्यार्थी आफ्नो एउटा झोलामा एआर–१५ सेमी–अटोमेटिक राइफल र लंच बक्समा गोला बारुद लिएर गएका थिए।
त्यसपछि शिक्षकले थाहा भएपछि उनले प्रहरीलाई खबर गरेका थिए ।
आरोपित विद्यार्थी पक्राउ परेका छन् ।
सीएनएन रिपोर्टका अनुसार फिनिक्सका प्रहरी अधिकारीहरूका अनुसार उनीहरूलाई मेरिभेलको बोसम हाई स्कूलबाट दिउँसो १ बजेतिर कल आएको र एक विद्यार्थीले स्कूलमा स्वचालित राइफल र गोला बारुद ल्याएको जानकारी दिइएको थियो ।
फिनिक्स प्रहरी सञ्चार निर्देशक डोना रोसीले भने, ‘स्कूल अधिकारीहरूले क्याम्पसमा सम्भावित बन्दुकको बारेमा कल प्राप्त गर्ने बित्तिकै विद्यालय तुरुन्तै बन्द गरिएको थियो ।’
स्कूल जिल्लाका प्रवक्ताले स्कुल एक घण्टासम्म बन्द भएको थियो ।
एक विज्ञप्तिमा फिनिक्स प्रहरीले भने,‘हामी ती व्यक्तिहरूको धन्यवाद दिन चाहन्छौँ जसले सुरुमा क्याम्पसमा स्कूलको मैदानमा हतियार भएको सम्भावनाको बारेमा सचेत गराए र जसले तुरुन्तै पुलिसलाई बोलाए।’
पक्राउ परेका विद्यार्थीलाई शनिबारसम्म प्रहरी हिरासतमा राखिने बताइएको छ ।
