एजेन्सी । पाकिस्तानका पुर्वप्रधानमन्त्री इमरान खानकी पत्नी बुशरा बीबीले अल्कादिर ट्रस्ट मुद्दामा अन्तरिम जमानत पाएकी छिन् ।
उनलाई मे ३१ सम्म पक्राउ नगर्ने अदालतले जनाएको थियो ।
बुशरा बिबीविरुद्ध १९ करोड पाउण्ड घोटालाको मुद्दा दर्ता भएको थियो ।
उक्त मामिलामा इमरान खान र बुशरा बीबी दुवै इस्लामाबाद न्यायिक परिसर पुगेका थिए।
अदालतले अल्कादिर ट्रस्ट मुद्दाको सुनुवाइ गरेपछि बुशरा बीबीलाई मे ३१ सम्म पक्राउ नगर्ने आदेश दिएको थियो।
अल्कादिर ट्रस्ट मामिलामा बुशरा बीबीलाई नेशनल एकाउन्टेबिलिटी ब्यूरो (एनएबी) मार्फत गिरफ्तार गर्ने धम्की थियो।
तर, अदालतले बुशरालाई मे ३१ सम्मका लागि पक्राउ गर्न रोक लगाएको थियो ।
अल्कादिर ट्रस्ट मुद्दामा बुशरा बीबीलाई मे २३ सम्म पक्राउ गर्न प्रतिबन्ध लगाइएको थियो ।
जमानतको म्याद आज सकिएको छ । यही कारण उनी गिरफ्तारीबाट बच्न अदालत गएकी थिइन्, उनले जमानत पाएकी छिन् ।
इमरानले विभिन्न आठ मुद्दामा आतंकवाद विरोधी अदालत (एटीसी) मा याचिका दायर गरेका थिए। यी निवेदन दिन उनी रावलपिण्डी कार्यालय पुगेका थिए । यी मुद्दाको सुनुवाइपछि अदालतले उनलाई ठूलो राहत दिएको छ । अदालतले यी सबै मामिलामा इमरानलाई जुन ८ सम्म पक्राउ नगर्न आदेश दिएको छ।
