एजेन्सी । रुसमा वाग्नर समूहको विद्रोहपछि सैनिक विद्रोहको खबर आएको थियो । वाग्नरका लडाकुहरूको विद्रोह पछि मस्कोमा गृहयुद्ध जस्तो अवस्था विकसित हुन थालेको थियो। रोस्तोभमा विस्फोट समेत गराइएको थियो ।
त्यस्तै सेनाको मुख्यालय कब्जामा लिएको थियो ।
मस्कोका पर्यटकीय स्थलहरू खाली गरिएको थियो। रुसको राजधानी मस्कोमा पूर्ण संकटकाल घोषणा गरिएको थियो ।
वाग्नरका लडाकुहरूले आफ्नै राष्ट्रपति पुटिनलाई सरकारबाट हटाउने समेत चेतावनी दिए ।
ती सबैको बीचमा भएको एक सम्झौताले भने सबै कुरा मिलेको मिडिया रिपोर्टमा उल्लेख छ।
वाग्नर प्रमुख र रूसी सरकारबीच एक सम्झौता भएको छ। यो सम्झौता पुटिनका सहयोगी र बेलारुसका राष्ट्रपति अलेक्जेन्डर लुकाशेन्कोले गरेका हुन् ।
यो सम्झौता पछि प्रिगोजिनले मस्कोबाट फर्कन आफ्ना लडाकुहरूलाई आदेश दिए।
उनले देशमा रक्तपात हुन नचाहेको बताए ।
आखिर के भयो सम्झौता ?
प्रिगोजिनले रक्षामन्त्री सर्गेई शोइगु र जनरल स्टाफ भ्यालेरी गेरासिमोभलाई हटाउन माग गरेका छन्। क्रेमलिनले त्यो मागमा एक शब्द पनि बोलेको छैन। यो सम्झौतापछि विद्रोहको लागि प्रिगोगिन विरुद्धको फौजदारी मुद्दा खारेज हुनेछ। यस बाहेक, वाग्नर लडाकुहरूविरुद्धका सबै आरोपहरू पनि खारेज हुनेछन्। उनीहरुलाई सुरक्षा प्रदान गरिनेछ ।
प्रिगोजिनको सेनाले शनिबार रोस्तोभमा ठूलो आक्रमण गरेको थियो। २४ घन्टाभित्रै उनीहरूका लडाकुहरू मस्को पुगिसकेका थिए। तर, उनले आफ्ना सिपाहीहरूलाई त्यहाँबाट फर्केर फेरि मैदानमा जान भनेका छन्। प्रिगोजिन अब बेलारुस प्रस्थान गर्ने बताइएको छ।
के पुटिन देश छोडेर भागेका थिए ?
सम्झौता हुनु अघि जब वाग्नरका लडाकुहरू मस्कोतर्फ जाँदै थिए, स्थानीय समय अनुसार २ः१५ मा उडान उड्यो।
उडान करिब ३० मिनेटपछि राडारबाट गायब भएको थियो ।
यसपछि पुटिन मस्कोबाट भागेको भनिएको थियो । क्रेमलिनले दिएको जानकारी अनुसार उनी मस्कोमै छन् ।
