एजेन्सी । आज चिनियाँ राष्ट्रपति सी जिनपिङले आफ्नो ७० औं जन्मदिन मनाउँदै छन् । यस अवसरमा सी चिनफिङको जीवनसँग सम्बन्धित केही रोचक कुराहरू थाहा पाउनुहोस् ।
जिनपिङकी पत्नी पेङ लिआन एक प्रसिद्ध समकालीन लोक गायिका हुन्। उनको पहिलो विवाह एक कूटनीतिज्ञकी छोरी लिङ्लिङसँग भएको थियो तर उनीहरुको विवाह ३ वर्षमा टुङ्गिएको थियो ।
उनको जन्म १५ जुन १९५३ मा फुपिङ काउन्टी, शान्सी प्रान्तमा भएको थियो। केही स्रोतहरूले उनको जन्म बेइजिङमा भएको बताएका थिए। उनका बुबा सी झोङक्सन क्रान्तिकारी र माओ त्सेतुङका प्रारम्भिक सहयोगी थिए।
जिनपिङले सन् १९७९ मा सिङ्गुआ युनिभर्सिटीबाट केमिकल इन्जिनियरिङ गरेका थिए भने कानूनमा डक्टरेट प्राप्त गरे। उनले १९६९ देखि १९७५ सम्म शान्सीको लिआङ्जियाहेमा कृषि मजदुरको रूपमा काम गरे। उनी पहिलो पटक २०१३ मा चीनको राष्ट्रपति निर्वाचित भए।
मिडिया रिपोर्टका अनुसार जिनपिङले कडा मेहनत गरेर सत्ताको शिखरमा पुगेका हुन्। यानानमा जिनपिङले आफ्नो जीवन खेतीबाट सुरु गरेका थिए। यो क्षेत्र गृहयुद्धका बेला चिनियाँ कम्युनिष्टहरूको गढ मानिन्थ्यो।
चिनफिङको जीवनको रोचक कुरा के छ भने एकातिर चीनका सबै क्षेत्र तीव्र गतिमा सहरीकरणतर्फ उन्मुख छन्। तर, राष्ट्रपति सी जिनपिङको गाउँलाई भने त्यस्तै राखिएको छ । यो क्षेत्र कम्युनिष्ट पार्टीका सदस्यहरुको तीर्थस्थल हो ।
प्रतिवेदनबाट प्राप्त जानकारी अनुसार ६० को दशकमा माओले आफ्नो पार्टीका नेतामाथि दमन गरेका थिए । जिनपिङले पनि धेरै समस्याको सामना गर्नुपरेको थियो । उनका बुबालाई कम्युनिष्ट पार्टीबाट निष्कासन गरिएको थियो । यति मात्र होइन, जेल पनि जानुपरेको थियो ।
