एजेन्सी । पाकिस्तानका पूर्वप्रधानमन्त्री इमरान खानले शहबाज सरिफ सरकारसँग वार्ता गर्न अस्वीकार गरेका छन् । तर, उनले सेनासँग वार्ता गर्न राजी रहेको बताएका छन् ।
इमरान खानले सेनालाई देशको वास्तविक निर्णयकर्ता भनेका छन् ।
पाकिस्तान तहरीक–ए–इन्साफ (पीटीआई) पार्टीका अध्यक्षले सोमबार इस्लामावाद उच्च अदालत (आईएचसी) मा उपस्थित भएपछि पत्रकारहरूसँग कुरा गर्दै उक्त जानकारी दिएका हुन्।
सो क्रममा उनले सरकारलाई शक्तिहीन भन्दै वार्ता गर्ने अधिकार नभएको बताए ।
पाकिस्तानी सञ्चारमाध्यमका अनुसार मंगलबार इमरान खानलाई उनी राजनीतिज्ञहरूसँग वार्ता गर्न तयार छन् कि भनेर सोधिएको थियो।
यस प्रश्नको जवाफमा खानले वास्तविक निर्णय गर्नेहरू सेनाभित्रै भएकाले आफू वार्ताका लागि तयार रहेको प्रतिक्रिया दिएका हुन् ।
