अमेरिकाको एक विद्यालयमा गोली प्रहारबाट चार जनाको मृत्यु

एजेन्सी । अमेरिकाको जर्जियास्थित एक विद्यालयमा अन्धाधुन्ध गोली प्रहार हुँदा चार जना मारिएका छन् । घटनामा ९ जना घाइते भएका छन् ।

प्रहरीले गोली चलाएको अभियोगमा सोही विद्यालयमा अध्ययनरत एक जना १४ वर्षीय बालकलाई पक्राउ गरेको छ । कोल्ट ग्रे नाम गरेका ती विद्यार्थीलाई हत्याको अभियोगमा वयश्क नागरिकसरह मुद्दा चलाइँदैछ ।

जर्जिया ब्यूरो अफ इन्भेस्टिगेशनले ब्यारो काउन्टीको विन्डरस्थित अपलाची हाई स्कूलमा हिजो भएको आक्रमणमा दुई विद्यार्थी र दुई शिक्षकको मृत्यु भएको जनाएको छ । प्रहरीले घटनामा कस्तो हतियार प्रयोग गरिएको थियो भन्नेबारे केही खुलाएको छैन ।