अमेरिकाका दुई सहरमा गोली चल्दा तीन जनाको मृत्यु, २० जना घाइते

एजेन्सी । अमेरिकामा दिनप्रतिदिन गोली प्रहारका घटना बढ्दै गएका छन् । आइतबार भएका दुई छुट्टाछुट्टै घटनामा कम्तीमा ३ जनाको मृत्यु भएको छ भने २० जना घाइते भएका छन् ।

पहिलो घटना एनापोलिस मेरील्याण्डको एक घर भित्र भएको थियो, जहाँ कम्तिमा तीन जनाको मृत्यु भएको थियो र सात जना घाइते भएका थिए।

अमेरिकी राजधानी वासिङ्टन डीसीबाट अन्नापोलिस सहरको दूरी करिब ४८ किलोमिटर छ।

दोस्रो घटना न्यूयोर्कको सिराक्यूज सहरको हो, जहाँ कम्तिमा १३ जना छुरा र गोली प्रहारबाट घाइते भएको बताइएको छ। सयौं मानिसहरू सिराक्यूजको सडकमा भेला भएका थिए।

अचानक भागदौड मच्चिएको थियो । भीडमा रहेका कैयौंलाई चक्कु प्रहार पनि भएको थियो भने केहीलाई तीव्र गतिको कारले ठक्कर दिँदा घाइते समेत भए ।