अफगानिस्तानको घोर प्रान्तमा बाढीले ५० जनाको मृत्यु

एजेन्सी । अफगानिस्तानमा भारी वर्षाका कारण आएको बाढीमा कम्तीमा ५० जनाको मृत्यु भएको छ । मध्य अफ्गानिस्तानको घोर प्रान्तमा आएको बाढीका कारण दर्जनौं वेपत्ता छन् भने हजारौं विस्थापत भएका छन् ।

बाढीले हजारौं गाईवस्तु मारेको, करिब २ हजार घर ध्वस्त भएको र धेरैलाई क्षति पु¥याएको अधिकारीहरुले बताएका छन् । यो हप्ता उत्तरी र मध्य क्षेत्रहरूमा व्यापक वर्षा भइरहेको छ । प्रान्तीय राजधानी फिरोजकोहमा करिब दुई हजार पसलहरु डुबेका छन् ।

लगातारको बाढीले अफगानिस्तानका खेतीयोग्य जमिन बाक्लो हिलोले ढाकिएको छ । ४ करोडभन्दा बढी जनसंख्या रहेको अफ्गानिस्तानमा ८० प्रतिशत जनता कृषिमा निर्भर छन् ।